يعني إيه Operating Leverage؟ وإزاي ممكن يكون سبب في نجاح شركتك أو سقوطها؟
الـ Operating Leverage أو "الرفع التشغيلي" هو مقياس بيعبر عن مدى اعتماد شركتك على التكاليف الثابتة مقابل المتغيرة.
يعنى كل ما زادت التكاليف الثابتة، كل ما كان الرفع التشغيلي أعلى... والمخاطرة أعلى!
مثال
شركة ناشئة أو حتى قائمة، قررت تبدأ بشكل "قوي" فعملت الآتي:
_ عيّنت موظفين برواتب عالية جداً على أساس إنهم محترفين وهيجيبوا نتائج مختلفه عن غيرهم .!!
_ استأجرت مقر فخم بإيجار شهري مرتفع
_ اشترت أجهزة ومعدات (أصول) بقت تتحمّل إهلاكات سنوية ضخمة
يعني هنفترض شركة عندها:
* رواتب شهرية = 2,000,000 جنيه
* إيجار = 1000,000 جنيه
* إهلاكات شهرية = 500,000 جنيه
يعنى إجمالي التكاليف الثابتة شهرياً = 3,500,000 جنيه
لكن الكارثة؟
مافيش مبيعات حقيقية أو المبيعات ضعيفة جداً، لا تغطي حتى 30% من المصاريف دي كهامش مساهمه !!
يعنى بتخسر شهريا حوالي 2,450,000 جنيه !!
يعنى سنويا حوالي 29,400,00 جنيها !! مش عارف تغطيهم
النتيجة:
* التكاليف شغالة زي الساعة.
* الإيرادات متقطعة أو ضعيفة.
* كل شهر الشركة بتخسر مبلغ كبير بسبب التزامات ثابتة مش مبنية على( أداء حقيقي).
* والاخطر من كدا وجود منافسه قويه وخصوصا لو عندهم اوبشن إنهم يقللوا سعر البيع .
وده بالضبط هو خطر الـ Operating Leverage العالي:
أي تأخير أو فشل في تحقيق المبيعات = خسائر فادحة، وممكن تهد الشركة على دماغ أصحابها.
الدروس المهمة:
1. ما تعتمدش على تكاليف ثابتة ضخمة وانت لسه مش ضامن دخل ثابت.
2. الكفاءات مهمة، بس لازم تتقاس بالعائد، مش بالسيرة الذاتية .
3. بداية بسيطة بتكاليف قابلة للتعديل أفضل من مغامرة غير مدروسه بتكلفة ثابتة عالية.
يمكنك التعليق هنا