استلام وتسيلم الحسابات
ازاي استلم حسابات و ازاي اسلمها🤔
سؤال جميل جدا
لان الاستلام صح من البداية بيفرق معاك 👌
و الإجراءات تتوقف على 👇
١- توقيت استلام الحسابات "اول الفترة ولا آخر الفترة "
٢- وجود محاسب سابق و حسابات منتظمة أو لا
٣- وجود برنامج محاسبي أو شيتات اكسيل أو دفاتر
طيب الإجراءت ايه حضرتك 🤔
مع فرض وجود محاسب سابق و حسابات منتظمة
هناك مرحلتين
مرحلة التجهيز للاستلام😷
*- وهي فترة تدريبك واطلاعك على المهام وكيفية ادائها
*_حتى لو كنت ذو خبرة أطلع على طريقة عمل المحاسب السابق
*- لو في وقت راجع على ما سبق مراجعة سريعة "في حالة الاستلام آخر أو خلال الفترة المالية"
*- عايز تعرف اكتر في وقت قليل أطلع على الارشيف واقراه قراءة جرنال
مرحلة الاستلام 🧐😷
١- يتم استلام ميزان مراجعة بالأرصدة تاريخ الاستلام موقع كل ورقة من المحاسب السابق و لو امكن + المدير
٢-يتم التأكد من صحة الأرصدة بمثل إجراءات إقفال السنة
مثل
إرسال مطابقات و مسابقات العملاء والموردين
و الجرد الفعلي المخزون "ان امكن " و الاصول
و مذكرة تسوية البنك "لو في اختلاف"من كشف حساب البنك
٣-يتم استلام نسخ أو أصول القوائم المالية السابقة و التأكد من مطابقة ارصدة اول الفترة لها و نسخ فواتير الأصول
٤-يتم المراجعة على اي رصيد حساب شاذ أو مبالغ فيه
٥-اجراء اي قيود تسويات تخص فترة المحاسب السابق و التوقيع عليه من المحاسب و المدير
٦-طلب استيضاح رسمي أو تقرير من المحاسب السابق على اي ملحوظات لا يمكن تسويتها
٧- بيان بالعهد الخاصة بالمحاسب و بيان استلام و تسلم بها
طيب لو مفيش محاسب قبلي و استلمت في نص الفترة 🤔
- لازم توضح ان مسؤليتك تبدأ من تاريخ استلامك
-هتعمل نفس إجراءات الجرد و المطابقات للارصدة ان وجدت
- لو الي قبلك مش مظبوط و غير نظامي هتحاول تعمل ميزان افتتاحي للبدء بالتسجيل النظامي و توقعه من المسؤول
التفاصيل 👈راجع بوست "انشاء حسابات منتظمة "
https://www.facebook.com/fitah2020/photos/a.354412698467453/382038705704852/?type=3&theater
طيب لو انا اللي بسلم الحسابات 😅
ببساطة تعكس الخطوات السابقة و تحتفظ بصورة من ميزان ان امكن او تاخد خطاب إخلاء طرف من الشركة بعد التسليم
ملحوظات 🌹🌹🌹🌹
*-مسؤليتك تبدأ من تاريخ استلامك
*- كن حريص على نفسك و لا تقبل بتحمل خطأ غيرك
*-شيتات الاكسيل و الدفاتر المستلمة يتم الاحتفاظ بنسخ منها كمرجع قبل العمل عليها
*-عهد المحاسب تشمل الدفاتر وسريلاتها ان وجدت لديه عهدة دفاتر والارشيف الورقي
*- استلم صح وبطريقة مهنية عشان تكمل صح
*- خد وقتك و افهم مهامك جيدا و راجع قبل الاستلام
*- في مرحلة الاستلام خطط و نظم لنفسك طريقة شغلك بعد الاستلام "اسبق بخطوة "
*- على المستوى الاخلاقي احترم من يسلمك مهما كانت ظروفه ودوافعه لترك العمل 🌹
*- لو انت اللي بتسلم كن واضح مع من يستلم و لا تبخل عليه بايضاح او معلومة 🤗
*- يا سلام وانت بتسلم تكمل جميلك و تنصح زميلك الجديد عن تجنب الأخطاء الإدارية و المهنية اللي ممكن يتعرض لها في المكان ❤
- العمل امانة و اترك اثر جيد في التسليم و انت ماشي❤
-من يتقي الله يجعل له مخرجا 🌹
#صنايعي_حسابات
فتيح محمد
يمكنك التعليق هنا